andhima-digital-memorials-loader
poster-photo
IN MEMORY OF

Prof. M Lee Thangappa

31-May-2018 | Pondicherry, Pondicherry, India

மொழி பெயர்ப்பிலும்  மொழி ஆக்கத்திலும் வல்லவரான தமிழறிஞர் ம.இலெ.தங்கப்பா இன்று (மே 31,2018)வைகறைக்கு முன்னரே –  நேற்று  இரவு 01.30 மணிக்கு – இயற்கை எய்தினார். நலக்குறைவால் சில நாள் முன்னர் மருத்துவமனையில் சேர்க்கப்பட்டவர் நேற்று  முதல் நாள் வீடு திரும்பினார்.  ஆனால்,  மூச்சுத் திணறலால்  காலமானார்.

  ‘வானகம்,  எண் 7, 11 ஆவது குறுக்குத் தெரு,  ஒளவை நகர், புதுச்சேரி- 8′  இல் அமைந்துள்ள அவரது இல்லத்தில் வைக்கப்பட்டுள்ள அவரது உடலுக்குப் பொதுமக்கள் அஞ்சலி செலுத்தி வருகின்றனர்.

கண்தானமும் உடற்கொடையும் அளித்துள்ளமையால் அவரது உடல் இன்றுமாலை 4.00 மணிக்குச்   சமேமஆநி (சவகர்லால் பட்டமேற்படிப்பு மருத்துவக்கல்வி-ஆராய்ச்சி நிறுவனத்திற்கு – JIPMER -) க்கு அளிக்கப்படுகிறது.


இவர் தனித்தமிழ்ப் பற்றாளர். புதுச்சேரி அரசு கலைக்கல்லூரியில் தமிழ்ப் பேராசிரியராக இருந்து ஓய்வு பெற்றவர். கவிதை, கட்டுரை, மொழிபெயர்ப்பு ஆகிய துறைகளில் முத்திரை பதித்தவர் தங்கப்பா. இவரது ’ஆந்தைப்பாட்டு’ மிக முக்கியமான பகடி இலக்கியமாகும்.

பென்குயின் பதிப்பக வெளியீடாக வந்துள்ள ‘LOVE STANDS A LONE' என்னும் மொழிபெயர்ப்பு நூல், சங்க இலக்கியப் பாடல்களின் ஆங்கில பெயர்ப்பாகும். அவர் எழுதியுள்ள நூல்களில் இயற்கை ஆற்றுப்படை, எது வாழ்க்கை?, கொடுத்தலே வாழ்க்கை ஆகியவையும் மிகவும் குறிப்பிடத்தக்கவை.

குழந்தை இலக்கியத்திற்கான சாகித்திய அகாதெமி விருதினைப் பெற்றுள்ளார் தஙகப்பா. வேலூர் இலக்கியப் பேரவை வழங்கும் வாழ்நாள் சாதனைக்கான விருதையும் தங்கப்பா பெற்றுள்ளார். அவருக்கு தமிழறிஞர்கள் அஞ்சலி செலுத்திவருகின்றனர்.

Created By - Premalatha

Guest book

There are no Guestbook Added yet!

Galleries

Light-a-candle Vikash on 08-Jun-2018
Light-a-candle Kumar on 02-Jun-2018

Ritual Information